Туркије го осуди израелскиот воздушен напад врз Тулкарем, обвинувајќи го Израел за геноцид во Газа

ИСТАНБУЛ (АА) – Министерството за надворешни работи на Република Турцкије остро го осуди израелскиот воздушен напад врз Тулкарем на окупираниот Западен Брег, обвинувајќи го Израел за систематско кршење на меѓународното право и за геноцид во Газа, јавува Анадолу.

Во соопштението, Министерството ги нарече акциите на Израел во Газа и неговата инвазија на Либан сериозна закана за меѓународниот мир и безбедност.

Ги повика меѓународните организации, особено Обединетите нации (ОН), да интервенираат и да ги заштитат правата на Палестинците.

Туркије изрази сочувство до семејствата на Палестинците убиени во нападот во Тулкарем и ја повика меѓународната заедница веднаш да дејствува за да ги запре израелските напади.

Во воздушниот напад, кој се случи доцна синоќа, убиени се најмалку 18 Палестинци, а повредени неколкумина во бегалскиот камп Тулкарем, кој се наоѓа на северниот дел на окупираниот Западен Брег.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.