АНКАРА (АА) – Туркије евакуираше повеќе од 960 луѓе од Либан, според дипломатски извори, јавува Анадолу.
Турските бродови евакуираа вкупно 966 лица од Либан, меѓу кои 878 турски државјани, 24 државјани на Турската Република Северен Кипар (ТРСК) и 64 нивни најблиски роднини, соопштија извори од турското Министерство за надворешни работи.
Речиси 1.900 турски граѓани во Либан побарале нивна евакуација, изјавија изворите кои побараа анонимност.
Тие истакнаа дека 2.500 луѓе првично поднеле барање до Министерството за надворешни работи за евакуација.
Речиси 1.000 луѓе стигнаа до собирните места, а некои одлучија да не се качат на бродовите во последен момент, додаваат тие.
Напорите за евакуација доаѓаат кога Либан се соочува со огромни израелски воздушни напади врз, како што тврди Тел Авив, локации на Хезболах од 23 септември. Во нападите се убиени најмалку 1.323 луѓе, повредени над 3.700 други и раселени повеќе од 1,2 милиони луѓе.
Воздушната кампања е ескалација на едногодишната прекугранична војна меѓу Израел и Хезболах од почетокот на бруталната офанзива на Тел Авив врз Појасот Газа, во која се убиени над 42.000 луѓе, повеќето жени и деца, од нападот на Хамас минатата година.
И покрај меѓународните предупредувања дека регионот на Блискиот Исток е на работ на регионална војна поради немилосрдните напади на Израел врз Газа и Либан, Тел Авив го прошири конфликтот со започнување копнена инвазија во јужен Либан на 1 октомври.
Извор: Anadolu Agency (AA)
