АНКАРА (АА) – Министерот за надворешни работи на Туркије, Хакан Фидан, синоќа имаше телефонски разговор со американскиот државен секретар, Ентони Блинкен, во кој силно нагласил дека администрацијата на Вашингтон треба да престане да соработува со терористичката организација ЈПГ, известува Анадолу.
Турското МНР соопшти дека министерот Фидан телефонски разговарал со Блинкен.
„Министерот Фидан со силни зборови го привлече вниманието на својот соговорник Блинкен истакнувајќи дека САД, како сојузник, би требало да ја запре соработката со терористичката организација ЈПГ во северниот дел на Сирија и навел дека турските антитерористички операции во Ирак и Сирија одлучно ќе продолжат“, се наведува во соопштението и се додава:
„Во рамките на тековните операции на Турција во регионот, на дневен ред беше ставен и механизмот за избегнување конфликти меѓу нас и американските сили во Ирак и Сирија, а во контекст на соборувањето на едно од нашите беспилотни летала, постигнат е договор за ефикасно функционирање на споменатиот механизам на начин што нема да ја попречи нашата борба против тероризмот.“
Во соопштението се наведува дека двајцата министри разговарале и по прашањето за проширувањето на НАТО.
Турското МНР претходно објави дека е загубата на турското борбено беспилотно летало во Сирија на никаков начин не влијаело врза антитерористичката операција што турските сили ја водат против терористичката организација ПКК/ЈПГ.
ПКК е сепаратистичка организација која се наоѓа на листата на терористички организации во Туркије, Европската унија и во САД. Во текот на 35 годишната кампања против Турција, терористите на ПКК убија најмалку 40.000 луѓе, вклучувајќи жени, деца и новороденчиња. ЈПГ е огранок на терористичка организација ПКК кој делува во Сирија.
