Туркије: 31.643 загинати во земјотресите кои минатата недела ги погодија јужните делови на земјата

АНКАРА (АА) – Најмалку 31.643 луѓе загинаа во двата силни земјотреси што ја погодија јужна Туркије на 6 февруари, соопшти денес Агенцијата за справување со катастрофи и вонредни состојби на Туркије (АФАД), пренесува Анадолу.

Два разорни земјотреси со јачина од 7,7 и 7,6 степени според Рихтер ги погодија јужните делови на Туркије со епицентар во Кахраманмараш на 6 февруари, а бројни спасувачки екипи сè уште ревносно работат на пребарување и спасување на луѓето затрупани во урнатините на зградите.

Неколку земји во регионот, меѓу кои и Сирија и Либан, ги почувствуваа силните земјотреси што ја погодија Туркије за период од помалку од 10 часа.

Над 238.459 лица моментално се вклучени на терен во акциите за пребарување и спасување, се вели во соопштението на АФАД.

Оттаму додадоа дека досега од регионите погодени од земјотресот евакуирани се 158.165 лица.

Турското Министерство за надворешни работи денес соопшти дека вкупно 9.793 лица од 74 земји моментално се вклучени во акциите на терен.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).