Во изминатото деноноќие на територија на цела држава имало вкупно 10 пожари на отворен простор, од кои под контрола е ставен еден пожар, а изгаснати се девет, информира денеска Центарот за управување со кризи (ЦУК).
Под контрола е ставен пожарот во Општина Демир Хисар, кај Плакенска планина, над село Вирово. Со пожарот, како што наведува ЦУК, беше зафатена ниска вегетација и сува трева.
Изгаснати се пожарите во Општина Радовиш, кај месноста викана Рудина чешма, во Општина Градско, кај село Долно Врановци, во општина Струга, кај селата Ново Село и Татеши и кај селата Октиси – Долна Белица. Изгаснати се пожарите во Општина Тетово, кај новиот стадион, во Општина Гостивар, кај населбата Млаки и во Општина Врапчиште, кај село Градец.
Од скопскиот регион изгаснати се пожарите во општина Студеничани, кај село Пагаруша и во Општина Чаир, на улица „Серава“, каде горело ѓубре.
Извор: 24vesti.mk
