Од Црвен крст информираат дека ја одложуваат свечената академија по повод одбележувањето на 80 – годишнината од формирањето на Црвениот крст.
„Со голема жал, денес не потресе веста за страшната трагедија која се случи во Кочани и однесе многу млади животи. Изразуваме длабоко сочувство, поддршка и солидарност до семејствата на жртвите од трагедијата во Кочани. На повредените им посакуваме што побрзо закрепнување, сила и храброст да ги пребродат овие тешки моменти.
Во моментите на тага останува сите ние да останеме солидарни и да продолжиме да ја обезбедуваме потребната поддршка за сите семејства погодени од овој трагичен настан. Црвениот крст, во рамките на своите надлежности и расположливи капацитети е заедно со семејствата на настраданите и обезбедуваме најразличен вид на поддршка во Кочани и во другите градови каде има сместено повредени лица во болниците.
Изразувајќи сочувство со болката на семејствата на настраданите и повредените, сакаме да ве информираме дека Црвениот крст на РСМ донесе одлука, Свечената академија по повод одбележувањето на 80 – годишнината од формирањето на Црвениот крст на РСМ која требаше да се одржи на 18 март 2025 година под покровителство на претседателката на РСМ Гордана Сијлјановска Давкова ќе се одложи на неопределен период.
Останува сите заедно да бидеме обединети и солидарни во овие моменти на болка и да продолжиме да ја обезбедуваме неопходната поддршка за граѓаните на нашата земја“, велат од таму.
ИЗВОР: ТВ 21
