Целосно е завршена дигитализацијата во училиштата во Бутел, соопшти Костовски

Продолжува дигитализацијата во образовните установи во Бутел, соопшти градоначалникот Дарко Костовски. 

– Денес во ООУ „Св. Климент Охридски” поставивме смарт табли и со задоволство можам да истакнам дека ова училиште е прво коешто доби комплетно опремени училници, кабинети и кабинет по информатика со смарт уреди. Во училницата во која го завршив моето основно образование, одржавме час по историја на новите смарт табли, сподели Костовски. 

Тој информираше дека во изминатите две години обезбедени се смарт табли и компјутери, а со денешната инвестиција во целост е реализирано дигитализирањето.

– За нашите ученици, смарт уредите го зголемуваат интересот за наставата, додека за наставниците, овие технолошки алатки го збогатуваат наставниот процес. Поддршката на образованието и вложувањето во наставниот процес и понатаму ќе остане да биде наш врвен приоритет. Влогот во најмладите е влог во нашата иднина! – дециден е Костовски.