На влез на ГП „Богородица“ царински службеници запленија 1,3 килограми сребрен накит, соопшти денеска Царинската управа. Се наведува дека накитот е откриен откако патник кој патувал од Турција се обидел истиот да го внесе во државата без да го пријави кај царинските органи.
-Сребрениот накит е откриен при преглед на патничко возило со кое лицето патувало како совозач. Станува збор за 157 парчиња прстени, 21 парчиња нараквици, 45 ланчиња, 26 обетки и 20 привезоци кои лицето ги скрило во ќеса која ја ставил зад задното седиште и во еден куфер ставен во багажниот простор. За сребрениот накит за којшто изјавил дека го набавил од Турција лицето не поседувал никаква документација, соопштува Царинската управа.
Против него се поднесени соодветни пријави заради прекршување на царинските регулативи.
Извор: skopskoeho.mk
