Најголемата борба се случува меѓу компаниите во Индија, која како најбројна држава на светот секогаш можеше да обезбеди кадар за ИТ индустријата. За оваа криза, предизвикана од трката меѓу најбогатите и најголеми светски технолошки компании, помош нема ни од Индија.
Блумберг пренесува сведоштва за тоа како компании ја дуплирале платата на специјалисти за вештачка интелигенција кои преминале кај нив, или како на еден инженер му било понудено БМВ како бонус за потпишување договор за работа.
Процената е дека во Индија во моментов има 416 илјади луѓе кои работат на АИ, а индустријата има потреба за уште 213.000 такви.
Без разлика колку е напнато во моментов, очекувањата се дека работите на краток рок само ќе се влошат бидејќи побарувачката ни од блиску може да ги задоволи идните потреби за АИ експерти на индустријата.
За разлика од времињата кога тие бираа кого ќе вработат, во денешната ситуација компаниите се тие што треба да ги привлечат идните вработени со што е можно поатрактивен и револуционерен производ и план за развивање на истиот.
Освен очекуваните технолошки џинови, свои претставништва во Индија, во потрага по АИ талент за сопствените продукти и технологии отвораат најразлични глобални компании од Ворнер брадерс и Авис, до Голдман Сакс и Волмарт.
Главната надеж е дека ситуацијата ќе ја решат секогаш флексибилните Индијци кои веќе на големо почнаа да работат на преедукација и запознавање со вештачката интелигенција, главно во потрага по поголема плата.
ИЗВОР: off.net.mk
