Лидерот на „Има таков народ“ во Бугарија, Салви Трифонов, на Фејсбук ги критикуваше Македонците и премиерот Христијан Мицкоски.
„Претседателот на Владата на Северна Македонија Христијан Мицкоски, пред парламентот рече дека не гледа причина за приклучување на Бугарите во Уставот. Тој праша зошто Албанија го нема истиот услов, имајќи предвид дека 8.000 луѓе во земјата се изјасниле за својот бугарски идентитет.
Сега ќе ви кажам што мислам јас за ова прашање. Ме исфрустрираа овие луѓе. Не можам да кажам дали се лутам или едноставно сум разочаран. Овој Мицкоски е избран демократски. Одлично се сеќавам како за време на изборите целата негова предизборна кампања беше базирана на омраза кон нас, Бугарите. Тие затоа го избраа. И сега тој зборува така заради нив, заради тие што го избрале. Бугарија прва ги призна како држава, иако целата наша историја, иако целата измислица што ја претставуваат, и сите глупости што зборуваат против нас со години, и уште, и уште, и уште. И покрај се, претседателот Желев, нека му е вечна слава, прв ги призна како независна држава од целиот свет. И покрај тоа, и покрај сите компромиси што ги правеле сите бугарски влади, сите бугарски премиери, сите бугарски претседатели. И сите Бугари воопшто. Нема грам благодарност, грам почит, грам логика. Ништо нема. Само омраза и самозалажување. Но, таму има луѓе што се чувствуваат Бугари. Луѓе што се Бугари! А Бугарија е насекаде, каде што живее и еден Бугарин. А таму ги има многу повеќе од еден. Многу, многу, многу повеќе. За нив треба да се грижиме, нив треба да ги мислиме и заради нив треба да ни биде грижа. А тој Мицкоски, тие што го избраа и тие што се радуваат на тоа што тој зборува, колку што зависи од мене, сите тие, на чело со Мицкоски, ќе го видат Европската Унија низ искривени очила. Преку многу искривени очила!“, напиша Трифонов.
ИЗВОР: ТВ 21
