реклама
Тетовскиот театар ќе биде домаќин на меѓународниот фестивал. По тригодишна пауза, театарскиот фестивал ќе се врати на сцената со пет претстави. Според директорот на Театарот, пандемијата и не распределбата на средствата од страна на Министерството за култура се причините поради кои овој меѓународниот театарски фестивал имаше три години пауза.
„Ова е осмото издание на фестивалот. Од 2020 до оваа година имавме пауза. Паузата беше за време на пандемијата 2020-21. Во 2022 година немавме доволно наменски средства да го организираме фестивалот, а годинава се враќаме со фестивалот на Тетово. Ќе започне со трупата на театарот од Ѓаковица, со претставата „Ало Ало“. Во вторник ќе го имаме Кумановскиот театар со прикажување „Лет над албанскиот театар“, во среда ќе го имаме „Драмски театар Скопје“ со претстава на македонски јазик. На 26 ноември ќе биде изведена претставата „Скршена жена“ во Експерименталниот театар од Тирана, а на 27 ноември ќе завршиме со Младинскиот театар Скопје со претставата „Крокодили“, вели Беким Исмаили.
реклама
Координаторот на Фестивалот, Музафер Етеми, изјави дека три од претставите кои ќе бидат прикажени пред тетовската публика се со содржина 16+.
„Мојата заложба беше насочена кон реализација на фестивалот, а беше малку тешко да се реализира поради малиот буџет што го имаше. Три претстави од овој фестивал се претстави за публика од 16+, како што е монодрамата од Театарот од Тирана, претставата „Лет над албанскиот театар“ и претставата на Младинскиот театар во Скопје се 16+”, вели Музафер Етеми.
реклама
Фестивалот е поддржан од Министерството за култура и Општина Тетово.
реклама
