ИСТАНБУЛ (АА) – Три деца починаа поради големиот студ во Појасот Газа, каде што Израел го ограничува влезот на помош и покрај прекинот на огнот, известува Анадолу.
Постигнат е прекин на огнот по повеќе од 15 месеци напади од страна на Израел врз палестинската енклава, но студеното време во Газа, каде што има проблеми со засолништа и греење поради израелското ограничување за влез на помош, ги зголемува страдањата на луѓето во регионот.
Според веста што ја објави официјалната палестинска новинска агенција ВАФА заснована врз здравствени извори, три деца починале од силниот студ во Газа.
Изворите информираат дека е критична состојбата на голем број деца во Газа поради студеното време.
Бројот на деца што починаа од студеното време во Газа се зголеми на 10.
Владината канцеларија за медиуми во Газа претходно објави дека седум деца починале поради големиот студ.
Повеќе од 61.000 Палестинци се убиени, вклучително и 14.000 што се исчезнати под урнатините, а два милиона се раселени за време на израелските напади врз Газа, кои траеја повеќе од 15 месеци.
Цел на израелските бомбардирања и гранатирања беа и болници, домови и училишта во кои се засолниле раселените Палестинци. Израел уништи 88 % од инфраструктурата на Појасот Газа.
Поради долготрајната израелска блокада на хуманитарната помош во Газа, на луѓето во палестинската енклава им е потребна помош во храна, чиста вода, засолниште и материјали за греење.
Извор: Anadolu Agency (AA)
