Претседателот на Соединетите Американски Држави, Доналд Трамп, се заканува дека ќе го искористи федералниот закон против бунтовниците за да го прошири распоредувањето на воен персонал во американските градови.
Трамп им рече на новинарите во понеделник дека ќе размисли да го активира Законот за бунт, донесен пред повеќе од два века, за да ги заобиколи судските одлуки со кои се ограничуваат неговите наредби за испраќање трупи на Националната гарда во градовите и покрај противењето на локалните и државните службеници, објави Ројтерс.
Според него, доколку се убијат луѓе, а судовите или локалните службеници ја блокираат можноста за дејствување, тој сигурно ќе го примени тој закон.
Извор: tv21
