Американскиот претседател Доналд Трамп повторно ги коментираше преговорите меѓу Украина и Русија и улогата на САД во нив, по новите прашања за тоа дали Вашингтон ќе остане вклучен во обидите за постигнување мировен договор.
На прашањето дали неговата администрација ќе продолжи да се вклучува во овие разговори, Трамп рече:
„Само сакаме убивањето да престане… Имаме одлична ситуација таму, освен еден проблем. Многу луѓе умираат и сакам тоа да престане. Умираат украински војници и руски војници. Минатиот месец загинаа 27.000 војници Исто така, неколку луѓе од ракети што паѓаат во центарот на Киев или каде било, што е ужасно“, кажа тој.
Трамп зборуваше и за улогата на НАТО во снабдувањето на Украина со оружје.
„Како што знаете, сега му продаваме опрема на НАТО по полна цена, а НАТО ја зема таа опрема и веројатно ѝ ја дава на Украина. Претпоставувам дека можат да им ја дадат на други, но најчесто ѝ ја даваат на Украина. И тие соработуваат со Украина за дистрибуција на опрема, ракети итн.“
Извор: tv21
