Поради самото доаѓање на Трамп на натпреварот, беа воведени ригорозни безбедносни мерки, поради што илјадници навивачи на Шпанија и Аргентина чекаа со часови на влезот, додека припадници на полицијата и тајната служба циркулираа на самиот стадион.
What it sounded like when President Trump walked onto the field with FIFA head Gianni Infantino for the World Cup trophy presentation pic.twitter.com/qEIo327rcp
— Monica Alba (@albamonica) July 19, 2026
Беше исвиркан неколку пати
Трамп беше исвиркан неколку пати на стадионот, речиси секој пат кога се појавуваше на екранот и за време на доделувањето на трофејот. Неодамна беше исвиркан на финалето на американската НБА во Медисон Сквер Гарден во Њујорк.
Претседателот на ФИФА, Џани Инфантино, му го врачи трофејот на Трамп, кршејќи го нормалниот протокол, а потоа Трамп му го предаде трофејот на новиот светски шампион Шпанија. Сепак, американскиот претседател, како и на минатогодишното финале на Светското клупско првенство, не сакаше да се симне од сцената.
A confused Trump overstays his welcome onstage and photobombs the FIFA World Cup winners as they hoist their trophy pic.twitter.com/DUpsV6iV3a
— FactPost (@factpostnews) July 19, 2026
На крајот, Инфантино се обиде да го одвлече, но Трамп изгледаше доста посрамено додека Шпанците продолжија да слават.
Интересно е и тоа што Трамп постојано ја критикуваше политиката на премиерот на Шпанија, Педро Санчез, со кого се ракуваше во церемонијалната ложа синоќа.
Жесто ги критикуваше Шпанците, па затоа не сакаше да се оддалечи од нивната прослава
Трамп ја нападна владата на Санчез за, како што рече, недоволните трошоци за одбрана, ја нарече Шпанија „изгубена кауза“ и се закани со трговски мерки, додека Санчез одговори дека Шпанија е сигурен сојузник што ги исполнува своите меѓународни обврски.
Пред натпреварот, Санчез изјави за шпанската јавна телевизија TVE дека ќе му честита на Трамп за 250-годишнината од американската независност и рече дека „многу работи ги поврзуваат“ шпанското и американското општество.
„Пред нас е финале од соништата. Нека победи најдобриот, и се надевам дека тоа ќе биде Шпанија“, рече Санчез.
Игнорирањето на Инфантино кон Трамп
Ова не е прв пат Трамп да се обиде да биде во центарот на вниманието за време на големи спортски настани. На ждрепката за овогодинешното Светско првенство во декември минатата година, Инфантино му ја врачи наградата за мир на ФИФА, која Трамп гордо ја прифати, само за неколку месеци подоцна да нареди воена интервенција во Венецуела и да започне војна со Иран, на чиј тим американската влада му го направи престојот на ова првенство што е можно погорчлив.
Додворувањето на Инфантино кон американскиот претседател трае веќе долго време, кулминирајќи со скандалозната одлука за поништување на црвениот картон на американскиот играч Фоларин Балогун, откако Трамп се пофали дека му се јавил на Инфантино и побарал реакција од ФИФА, што е историски преседан.
One year ago today, Chelsea won the Club World Cup, sparking one of the strangest trophy lifts of all time, with Donald Trump at the centre of them.
It has been confirmed that the President will be allowed to do this again this summer for the World Cup. pic.twitter.com/kXQfGCfYXs
— Sleeper Football (@SleeperFooty) July 13, 2026
И министерот за трговија Хауард Лутник, кој лично учествувал во разговорите, развил близок однос со Инфантина. На почетокот на јуни, тој присуствувал на вечера со претседателот на ФИФА, а седел до него на натпреварот каде што Балогун добил црвен картон.
Политико напиша дека одлуката следела по четиридневна лобистичка кампања координирана од Белата куќа и дека обидот за поништување на суспензијата на Балогун започнал само неколку минути по црвениот картон. Ендру Џулијани, извршен директор на Работната група за Светското првенство во Белата куќа, веднаш го предупреди Трамп за казната.
Извор: vecer.mk
