Заменик министерката за европски прашања, Викторија Трајков денес присуствуваше на Првата седница на Националниот Совет за евроинтеграции. На дневен ред беше Извештајот на Европската Комисија за 2024 година.
-Од Европската Комисија добивме објективна слика за подготвеноста на земјата во достигнувањето на европските правила и стандарди, како и за тоа што било направено во текот на изминатата година. Очекувам следниот Извештај да биде подобар. Посветено работиме како нова Влада на Реформската Агенда и очекуваме како Министерство за европски прашања сите релевантни институции кои се вклучени во истата, одговорно да ги сработат своите задачи. Имаме добар план и ќе работиме, истакна Трајков по седницата.
Со Националниот Совет за евроинтеграции претседаваше Венко Филипче, свое обраќање имаше претседателот на Комисијата за европски прашања, Антонијо Милошоски како и Шефот на Делегацијата на ЕУ, Михалис Рокас.
На седницата присуствуваа и пратеници и претставници на невладиниот сектор, дипломатскиот кор и останати општествени чинители.
ИЗВОР: kurir.mk
