Торнадото што помина низ делови од општината Рио Бонито до Игуасу, во бразилската држава Парана, уби најмалку пет лица, а повреди околу 130 лица, објавија денес локалните власти.
Локалната метеоролошка служба објави дека торнадото превртело автомобили и оштетило куќи во Рио Бонито до Игуасу, а спасувачката служба изјави дека според првите извештаи, „30 лица се сериозно или умерено повредени, а околу 100 се здобиле со полесни повреди“, објавува порталот Баронс.
Ветерот во Рио Бонито до Игуасу, град со 14.000 жители, достигнал брзина помеѓу 180 и 250 километри на час, според податоците од Системот за технологија и мониторинг на животната средина на државата Парана.
Извор: tv21
