Вообичаено топло време за овој период од годината. Граѓаните со различни пристапи кон разладување и заштита ос сончевите зраци. Помладите велат дека топлото време не им смета и дека времето го користат за одење во базен, во кафич на по некоја пијачка со пријателите.
Повозрасните спротивно на помладите, гледаат да ги избегнуваат часовите кога е најтопло, велат дека во текот на денот остануваат дома со спуштени ролетни гледајќи телевизија. Некои си дозволуваат и по една ракија додека чекаат да паднат температурите и да излезат повторно си пријателите под сенка.
Под влијание на многу топла воздушна маса од југ следува период на топло време со пораст на температурите, велат од УХМР. Особено топло се очекува од среда до петок кога дневната температура насекаде ќе биде над 30°C, а наместа ќе достигне до 40°C.
Докторите апелираат граѓаните строго да ги почитуваат стандардните препораки за заштита од топлотни бранови, да се избегнува директно изложување на сонце, да се внесува доволно течности и да се носи лесна и светла облека.
Извор: 24vesti.mk
