Томовски: Целосно ќе ги покриеме трошоците за лекување, во контакт сме со операторите за ослободување од роаминг и интернет за семејствата на повредените!

Директорот на Службата за општи и заеднички работи на Владата, Ивица Томовски вечерва во интервју за ТВ21 порача дека тие како Влада ќе ги покријат сите трошоци на повредените лица кои се лекуваат надвор од Македонија.

Во однос на оние кои се лекуваат во странство, Томовски вели дека се во контакт со телефонските оператори за ослободување од роаминг и интернет за семејствата.

„Потрошени се почетно околу 3 и половина милион денари, но викам почетно бидејќи не знаеме колку време ќе се лекуваат, но треба да знаат дека целосно и максимално се што ќе излезе како трошок целосно ќе биде покриено од Владата на Македонија“, вели Томовски.