Тоалетот е направен од 18-каратно злато и е целосно функционален. Почетната цена ќе биде базирана на цената на златото на денот на аукцијата, објави аукциската куќа.
Во 2016 година, Кателан создаде две верзии на тоалетот и ги нарече Америка. Едната беше изложена во Гугенхајм во Њујорк. Во 2019 година, беше украдена од палатата Бленхајм, родното место на Винстон Черчил во Англија, каде што беше привремено позајмена. Другата верзија беше продадена на приватен колекционер. Тој сега одлучил да ја понуди на аукција.
Невообичаени концептуални уметнички дела
Кателан го стекна својот уметнички углед врз основа на неговите необични концептуални уметнички дела. Иако е познат првенствено по своите хиперреалистични скулптури и инсталации, Кателан се занимава со издаваштво и работи како куратор.
Минатата година, неговото дело – банана залепена на ѕидот со леплива лента, беше продадено во Њујорк за вртоглави 6,2 милиони долари.
Извор: vecer.mk
