реклама
Станува збор за проектот Алумина што се планира да се гради во Карпош, Скопје.
Но, истиот стана причина за расправијата во Советот на општината, бидејќи советниците на ВМРО-ДПМНЕ имаат забелешки и се против.
реклама
Градоначалникот на Карпош, Стевчо Јакимовски, вели дека без разлика кој бил во составот на советот во општината, проектот Алумина имал континуирана поддршка, додека ова што сега се случува сега е чиста политика. Според него, факт дека е чиста политика е тоа што претходните одобренија ги давале министрите на ВМРО-ДПМНЕ и сега тие се најгласните противници.
На брифингот со новинарите Јакимовски говореше за придобивките што ги носи овој проект, при што рече дека патиштата ќе бидат подземни, додека над земја ќе има зеленило, шеталишта и простор за рекреација.
реклама
Од опозициската ВМРО-ДПМНЕ се изјаснија против, додавајќи дека против се и граѓаните, а тврдат дека проектот има бизнис позадина во интерес на Пуцко Петрол.
„Граѓаните велат не за ваков ДУП, експертите велат не, јавноста вели не, само градоначалникот на Карпош и бизнис коалицијата ДУИ-СДС вели да. За чиј интерес работи оваа екипа? За интересот на граѓаните, очигледно не, туку само за нечии тешки бизнис интереси“
реклама
Градоначалникот на Карпош исто така појасни дека во сите претходни планови за оваа локација биле предвидени објекти високи до 105 метра. Рече дека во последниот план повторно има еден објект висок 105 метра каде се предвидени две висококатници на 35 ката. Всушност, според него, ова е предлог на Стефан Богоев од кого го наследил овој проект.
реклама
