„Тест на штетност“ би ѝ покажал на Владата дека договорот со „Бехтел и Енка“ треба јавно да се објави, вели правникот Коцевски

April 14, 2023
1 min read

Со Законот за слободен пристап до информации од јавен карактер од 2019 година воведен е „тест на штетност“ со кој треба да се утврди дали јавниот интерес да се објави некоја информација натежнува над причините таа да биде скриена од јавноста. Според програмскиот директор во Македонското здружение на млади правници, Гоце Коцевски, ако овој тест се примени во случајот со веќе класифицираниот договор за автопатите со „Бехтел и Енка“, би натежнал јавниот интерес

Гоце Коцевски, програмски директор во Македонското здружение на млади правници, во емисијата „360 степени“ на ТВ Алсат, во која се дебатираше за одлуката на власта за класифицирање на договорот со „Бехтел и Енка“ со степен „доверливо“, вели дека со Законот за слободен пристап до информации од јавен карактер од 2019 година е востоставен „тест на штетност“. Ако во случајов се примени овој тест, рече Коцевски, би натежнал јавниот интерес дека договорот треба да биде јавно објавен.

Гоце Коцевски – програмски директор во Македонското здружение на млади правници

„Ако се работи за информација која е класифицирана, која е личен податок, која е предмет на кривична или каква било друга постапка што по правило не се смета за информација од јавен карактер, имателот е должен да направи ‘тест на штетност’. Треба да стави на кантар што ќе изгуби државата ако ја објави информацијата, меѓутоа и што ќе добие јавниот интерес ако таа информација се добие. Во самиот закон многу јасно е дефинирано што се смета за јавен интерес. Јавен интерес е доколку откривањето информација овозможува да се разбере прашањето за кое се креира јавна политика или се води парламентарна дебата. Поочигледна основа за јавен интерес од ова навистина нема. Дополнително, ќе се открие противправно стекнување или трошење буџетски средства, потенцијален судир на интереси, загрозување на животната средина. Така што, јавниот интерес натежнува“,

рече Коцевски, цитирајќи го законот.

Сегмент од член 3 од Законот за слободен пристап до информации од јавен карактер

„360 степени“ пред девет дена, преку барање за слободен пристап до информации од јавен карактер, го побара договорот од Јавното претпријатие за државни патишта.

Од емисијата „360 степени“ на ТВ Алсат

„Лично, имаме искуство со барање на таков договор пред неколку години, за државна помош за еден несуден инвеститор во зоните, тоа заврши со судски спор, беше со степен на класификација, но тогашната Влада ми одговори со затемнети страници, дури ја немаше ниту одлуката за класификација, но сметам дека барем тоа е информација од јавен карактер за да му докажеш на барателот дека навистина е класифицирано, а не дека некој одлучил арбитрарно да го крие“,

вели новинарот на „360 степени“, Александар Димитриевски, кој беше дел од дебатата во емисијата.

ИЗВОР: 360stepeni.mk

Leave a Reply

Your email address will not be published.

VERO JUMBO MACEDONIA

EVN MACEDONIA

MARKETING

Претходно

Тешка сообраќајка вечерва на „Партизанска“ кај „Сити Мол“

Следно

Реконструирана улицата Рузвелтова 26.4.2023

Latest from Blog

Вучиќ: Трамп ме покани во Белата куќа

 Српскиот претседател Александар Вучиќ изјави дека американскиот државен секретар Марк Рубио побарал средба со него за време на неговиот претстоен престој во Њујорк, каде што ќе присуствува на Генералното собрание на ОН,

Некогашниот француски репрезентативец и член на Манчестер Сити потпиша за полски клуб

фото: Por Fora das Quatro Linhas (X) Поранешниот освојувач на Светското првенство со Франција и некогашен ас на Манчестер Сити, Бенжамин Менди (31), конечно најде клуб. Откако заврши сагата со обвинувањата за

Меркел: Европа мора да се обедини

Поранешната германска канцеларка Ангела Меркел ја повика Европската Унија да се обедини во екот на војните и кризите, како и протекционистичката политика на американскиот претседател Доналд Трамп, и се залагаше за реформи

Тикварник

Состојки: 1,5 кг тиква 50 мл масло 250-300 мл млеко 1 чаша шеќер 1 ванилин шеќер 3 јајца   Подготовка: Тиквата може да се пече во рерна или да се вари на

Експерти: Потпалуваат добро обучени диверзанти

ЗАД ПОЖАРИТЕ СЕ НАЅИРА ДОБРО СТРУКТУРИРАНА ЛОГИСТИЧКА И ОРГАНИЗАЦИСКА МРЕЖА Експертите од безбедносно-криминалистичката фела ги отвораат логичните криминалистичко-тактички прашања: Кој има ресурси? Кој има логистика? Кој има знаење и вештини за ова?
Go toTop