Тешко изводлива во пракса е препораката на Унеско граѓаните од куќите во старото охридско јадро да ги остранат клима уредите, соларните панели и антените кои ја нарушуваат старата ахитектура заштитена од УНЕСКО.
Последниот рок за оваа препорака беше лани во февруари. Станува збор за над 200 објекти на кои се поставени вакви елементи, а голем е бројот и на доградби, бесправно изградени настрешници, гаражи, зидови. Од Завод и Музеј велат дека и жителите и инспекциските служби се известени за ваквото барање.
Ваквото барање на УНЕСКО не е меѓу приоритетните задачи но е дел од списокот на препораки кои градот ќе треба да ги изреализира.
Иако дел од јавноста смета дека оваа и уште неколку други препораки се ригорозни, активистите сметаат дека организацијата досега била и премногу толерантна кон она што со години му се прави на културното наследство.
УНЕСКО за заштитеното старо градско јадро вели дека опремата од овој тип не е во целост забранета, но треба да биде поставена некаде каде нема да се гледа.
Извор: 24vesti.mk
