Тешка сообраќајна незгода во која учествуваа две возила и според првичните информации едно лице е повредено се случи вечерва во скопската населба Тафталиџе.
Тешка сообраќајна несреќа се случи вечерва на булеварот „Митрополит Теодосиј Гологанов“, односно на раскрсницата со булеварот „8-ми септември“. Според првични и неофицијални информации едно лице е повредено во несреќата.
Пред неколку минути интервенирала Итната помош, а во моментов полицијата го обезбедува местото на настанот.
Поради несреќата булеварот „„Митрополит Теодосиј Гологанов“ во правец од Центар кон Ѓорче Петров, целосно е затворен за сообраќај и возилата се пренасочуваат по околните сообраќајници.
Подетални информации од полицијата се очекуваат за утрешниот ден.
ИЗВОР: skopjeinfo.mk
