Тензии во Советот за безбедност во Њујорк: Русија се спротивстави на присуството на Османи, Рама го бранеше

Премиерот Еди Рама жестоко се судри со Василиј Небензија, рускиот претставник во Советот за безбедност на Обединетите нации. Повод за дебатата меѓу албанскиот премиер и рускиот дипломат беше говорот на Володимир Зеленски и Бујар Османи.

Албанија, како претседавач со Советот за безбедност, одлучи претседателот на Украина и претседавач со ОБСЕ, министерот Албанец за надворешни работи на Северна Македонија, да зборуваат пред членовите на Советот за безбедност.

На оваа одлука се спротивстави Русија и го оцени како кршење на прописите на Советот за безбедност.

-Ние се противиме на присуството на министерот за надворешни работи на Македонија и за ова го информиравме албанското претседателство и Советот за безбедност. Доколку албанското претседателство со Советот за безбедност му дозволи на г. Османи да зборува, сметаме дека тој може само да ги искаже консензуалните позиции на ОБСЕ. Морам да нагласам дека ОБСЕ поради деструктивниот пристап на западните сили не придонесува на никаков начин во процесот на решавање на ситуацијата во Украина, туку само ја влошува-изјави Небензија.

Еди Рама, како водач на дебатата на високо ниво во присуство на шефови на 50 држави, одговори на предупредувањата на Русија.

-Морам да кажам дека доаѓањето од вас целото ова предавање за кршење на правилата во оваа зграда е доста импресивен удар. Да се согласиме, ја прекинувате војната, а Зеленски не добива збор. Тоа доаѓа од нешто што вие сте го направиле. Сакав да ги уверам моите руски колеги дека тоа не е постапка на албанското претседателство, туку продолжување на консолидираната политика, која е во целосна согласност со политиките на Советот-изјави Рама.

-Вие постапувате како претседател на Советот за безбедност, не зборувате во ваше национално својство како претставник на Албанија-рече Небензија.

-Доколку не сакате да одговорам во својство на премиер Албанец, не ме провоцирајте како таков-му врати Рама.

Небензија: Ви се обраќам само како на претседател на Советот за безбедност. Во ниеден момент не Ви се обратив како премиер на Албанија. Ве молам придржувајте се до политичките проценки.

Рама: Зборувавте за фактот дека Албанија е во НАТО, за земјите во НАТО кои се овде. Ова воопшто нема врска со мојата улога како претседател на Советот.

На дебатата од високо ниво, САД и нејзините сојузници ги реартикулираа нивните ставови против Русија. Тие беа оценети од шефот на руската дипломатија, Сергеј Лавров како арогантни и како недостиг на волја од САД и земјите членки на НАТО да изградат мировен дијалог меѓу двете земји. Министерот за надворешни работи на Русија имаше критики за начинот на водење на дебатата за Украина кога рече дека Америка и нејзините сојузници се обидуваат да го приватизираат секретаријатот на ОН.