Претставници од операторот ТАВ Македонија на скопскиот аеродром ќе отпатуваат во чешкиот главен град следната недела како дел од нивните тековни напори за воспоставување нови услуги и конекции со Прага.
Генералниот директор на операторот, Нејат Курт, рече: „Следната недела закажавме состаноци и дискусии со властите на аеродромот во Прага. Нашата цел е да соработуваме и да се ангажираме со тур-оператори за да го олесниме воспоставувањето на услуга меѓу Скопје и Прага. Планираме заеднички да ја пласираме оваа услуга со аеродромските власти во Прага и да упатиме покана до нив да ја посетат Македонија за да помогнат во промоцијата на земјата. Дополнително, во Прага ќе го претставиме туристичкиот потенцијал на Македонија. Тоа е добра дестинација и која ни недостасува. Би сакале што поскоро да се воспостават овие летови и се надевам дека ќе бидеме успешни“.
Скопје последен пат беше поврзано со Прага преку редовен авиопревоз во јуни 2018 година, со летови одржувани од Чех ерлајнс.
Прага е меѓу првите десет најфреквентни неискористени рути во Скопје врз основа на индиректниот проток на сообраќај.
ИЗВОР: racin.mk
