реклама
Првиот човек на Алијансата за Албанците Арбен Таравари вели дека немаат проблем да ја напуштат Владата доколку тоа го побара ВМРО-ДПМНЕ во замена за гласање за уставните измени.
„Ако излезе некој што е важен за уставни измени, на пример ВМРО вели Алијанса треба да излезе од Владата, ние ги гласаме. Алијанса целосно ја напушта Владата, не утре, денес. Нека побараат, нека направат проширена Влада, нека се изгласаат уставните амандмани, нека се распишат изборите, да одиме на избори“, истакна Арбен Таравари.
реклама
Таравари е оптимист дека може да се направат измени, но додава дека тоа никој не може да го гарантира. Тој тврди дека има комуникации и сигнали со претставници на ВМРО-ДПМНЕ. А во случај да не успеат измените, се наведува дека АА во собранието ќе се посвети на бришење на 20% за Албанците! Ги критикуваше албанските политичари кои сега го креваат гласот за бришење на 20%, а не прозбореа кога беше време!
„ Не можете повеќе да ја менувате рамката. Зошто тогаш Изет Меџити не стана, да каже не гласам за тоа затоа што не го ставивте во рамката. Зошто Беса, Фадиљ Зендели, дека другиот заменик веќе не е со Беса, зошто не стана, затоа што го гледам Фадиљ Зендели доста активен, дали треба да стане и да каже не гласам за тоа, бидејќи во оваа рамка не се ставени 20%. Дури ни Зеќирија Ибрахими не застанува, да му кажам на Зеко, требаше лани, тогаш беа тројца-четворица пратеници, вие бевте во Владата. Требаше да им каже на овие пратеници да не гласаат за оваа рамка. Излегуваме од власт, затоа што гласате за рамка каде што не се предвидени 20%“, порача Арбен Таравари.
реклама
За овие изјави не молчи ниту генералниот секретар на Алтернатива, Зеќирија Ибрахими. Тој за ТВ21 изјави дека министрите на Таравари ги потпишале предложените уставни измени и не го решиле проблемот со 20%.
„Разбирам дека претседателот на Алијансата за Албанците е вознемирен што сега со рацете на неговите министри потпишал дека со уставните предлог-измени не се решава навредливиот проблем за албанскиот јазик. Тој и неговата партија со двете нозе го згазија албанскиот јазик и се придружија на Соравија против албанскиот јазик“, вели Зекирија Ибрахими.
реклама
Пратеникот на Беса, Фадиљ Зендели, досега не ни даде став за ова прашање. Ни рече дека партијата ќе одговори.
реклама
