ЈОХАНЕСБУРГ (АА) – Власта на Танзанија денес под строги безбедносни мерки го депортира озлогласениот јужноафрикански бегалец кој ја лажирал сопствената смрт во затвор и избегал во Танзанија, пренесува Анадолу.
Табо Бестер, познат како „Фејсбук силувач“, бидејќи своите жртви ги намамувал преку друштвените мрежи, приведен е минатата недела заедно со својата девојка во Танзанија.
Тој служел доживотна казна кога минатиот мај избегал од затворот во Јужноафриканската Република.
Овој 35-годишник во 2012 година е осуден за силување и убиство на својата девојка – манекенка. Исто така, во 2013 е прогласен за виновен за силување и грабеж на уште две жени.
Власта започна потрага по Бестер во март откако новиот наод од обдукцијата покажа дека мажот кој умрел во затворската ќелија всушност не е Бестер, поради што тој и неговата девојка избегале во Танзанија.
На вчерашното парламентарно сослушување кажано е дека затворските чувари му помогнале на Бестер да ја лажира сопствената смрт, така што во неговата затворска ќелија ставиле тело од човек кој бил запален. Првобитно е соопштено дека починал извршувајќи самоубиство.
Властите соопштија дека ова бегство од затворот ја разоткрило слабоста во безбедносниот систем на затворот кој го води приватната британска компанија за обезбедување G4S.
Извор: www.aa.com.tr
