ИСТАНБУЛ (АА) – Најмалку во 196 града погодени од тајфунот Доксури на Филипини е воведена вонредна состојба, соопштија властите, пренесува Анадолу.
Филипинскиот Национален совет за намалување и управување со ризици од катастрофи соопшти дека околу 2,9 милиони луѓе низ југоисточната азиска земја се погодени од силни ветрови и обилни врнежи од дожд, објави дневниот весник „Фил Стар“ со седиште во Манила.
Над 288.000 луѓе се раселени поради налетот на тајфунот.
Во тајфунот Доксури загинаа најмалку 53 лица, од кои 26 при потонување на брод, додека 13 лица се водат како исчезнати.
Ова е петти тајфун што ги погоди Филипини оваа година, а тајфунот Канун, исто така, ѝ се заканува на земјата со интензивирање на југозападниот монсун и предизвикување поплави.
Извор: www.aa.com.tr
