ИСТАНБУЛ (АА) – Животот во некои подрачја на Кина е сериозно нарушен денес откако тајфунот Бебинца стигна до Шангај, објавија државните медиуми, пренесува Анадолу.
Бурата би можела да биде најсилната што го погодила финансискиот центар на Кина во последните 75 години, што ги натера локалните власти да издадат итна реакција за опасност од ниво III.
Тајфунот Бебинца е 13-ти тајфун што ја погоди Кина оваа година.
Бурата стигна до копното во областа Линганг во округот Пудонг околу 7:30 часот по локално време во неделата.
Властите во Шангај, во кој живеат речиси 25 милиони луѓе, превентивно ја прекинаа наставата и го запреа јавниот превоз.
Повеќе од 414.000 жители се раселени во периодот кога градот се подготвуваше за пристигнувањето на бурата.
Спасувачките тимови кои ги сочинуваат стотици луѓе, се ставени во состојба на готовност како подготовка за евентуална вонредна ситуација.
Извор: Anadolu Agency (AA)
