Светската банка прогнозира дека економскиот раст на Украина во 2026 година ќе изнесува само два проценти, што е дури за 3,2 процентни поени пониско од проценката од јуни.
Причината се долгорочните ефекти од руските воени напади што ги ограничуваат инвестициите и деловните активности. Увозот на гас во Украина достигна највисоко ниво во последните две години поради штетата врз домашните капацитети, објавува „Киев Индепендент“.
Светската банка забележува дека и покрај предизвиците, украинската економија поминува низ значителна трансформација. Новите сектори и подобрувањата на продуктивноста во постојните индустрии би можеле да придонесат за создавање работни места и стабилизација на пазарот на трудот.
Извор: tv21
