Поранешниот фудбалски селектор на Англија Свен Горан Ериксон, поради здравствени причини e принуден да ја заврши кариерата.
Швеѓанецот, кој во последните години работеше како спортски директор на третолигашот Карлштад, рече дека е време да престане со работа. Ериксен не откри точно кои се проблемите и рече дека фудбалот во иднина ќе му биде само хоби и забава.
„Одлучив да ги прекинам фудбалските активности поради здравствени проблеми, поради што моментално сум на лекарски прегледи. Фокусиран сум на моето здравје и семејството, па мојата работа во Карлштад ќе биде ограничена. Им благодарам на сите мои пријатели за нивната поддршка и почитување на мојата приватност“, рече Ериксон.
За време на својата богата кариера, меѓу другите клубови, Швеѓаецот ги водеше Бенфика, Фиорентина, Лацио, Рома, Сампдорија и Манчестер Сити, Лестер Сити и неколку клубови во Кина, а на кормилото на англиската репрезентација беше од 2001 до 2006 година.
ИЗВОР: kurir.mk
