Судија на претходна постапка вечерва одреди притвор за Ратко Капушевски, а куќен притвор за Асмир Јахоски.
По разгледување на изнесените аргументи од страна на Јавниот обвинител и осомничените, како и нивните бранители, судијата го прифати предлогот на обвинителството и на Р.К., А.М. и Е.С. им изрече мерка притвор во траење од 30 дена. Оваа одлука е донесена врз основа на член 165 став 1 точки 1 и 2 од Кривичниот законик, поради опасност од бегство и можност за попречување на истрагата преку влијание врз сведоци.
Во случајот на осомничениот А.Ј., откако тој даде исказ пред судијата, обвинителот го промени првичниот предлог за притвор во барање за куќен притвор, што беше одобрено од страна на судијата.
За останатите седум осомничени кои беа изведени пред суд, судијата го усвои предлогот на обвинителството и им определи мерки за претпазливост. Сите страни во постапката имаат право на жалба против донесените решенија пред Кривичниот совет.
Лицата беа спроведени во судот во попладневните часови.
ИЗВОР: ТВ 21
