СУВЕЈДА (АА) – Цивилите во регионот се вовлечени во хуманитарна криза последните шест дена, поради судирите меѓу вооружените групи Друзи и бедуинските Арапи во јужна Сирија, што започнаа на 13 јули, а во кои беа вклучени и сириските безбедносни сили и Израел, известува Анадолу.
Оштетените далноводи за време на судирите го оставија регионот во голема мера без електрична енергија.
Без електрична енергија, пумпите за вода се надвор од функција, со што населението не е во можност да ја користи водата од бунарите.
Пазарите и пекарниците, кои беа затворени поради судирите, сè уште не се отворени.
Прекинот во производството на леб им оневозможи на луѓето да ги задоволат своите основни потреби за храна, а и брашното не е достапно во регионот.
Здравствените установи во Сувејда не пружаат здравствени услуги поради прекини на електричната енергија и од безбедносни причини.
– Судирите во Сувејда и израелските напади
Мали судири избувнаа меѓу бедуинските арапски племиња и вооружените групи Друзи во покраината Сувејда во Јужна Сирија на 13 јули.
Десетици војници беа убиени во нападите на групите Друзи врз сириските безбедносни сили распоредени во регионот.
По ескалацијата на судирите меѓу безбедносните сили и локалните вооружени групи Друзи, беше постигнат прекин на огнот меѓу страните.
Прекинот на огнот брзо пропадна, а израелската Армија започна напади насочени кон сириските безбедносни сили.
На 16 јули израелските воздухопловни сили ги нападнаа сирискиот Претседателски комплекс, седиштето на Генералштабот и Министерството за одбрана.
Истиот ден во Сувејда беше воспоставен прекин на огнот меѓу Владата и локалните групи, а израелските воени авиони започнаа напади врз Дамаск и Дара.
Се проценува дека во судирите и израелските напади во Сувејда, од каде што се повлекоа безбедносните сили, животот го загубија стотици луѓе.
Извор: Anadolu Agency (AA)
