Судиите Аритон Ала од Апелацискиот суд во Скопје и Данка Ристова од Апелацискиот суд во Штип се новите членови на Судскиот совет на Република Северна Македонија, објави претседателот на Комисијата за избор на членови на Судскиот совет, Субхи Јакупи,
„Судијата Аритон Ала беше единствениот кандидат за член на Судскиот совет од посебната листа на кандидати и освои 253 гласа од вкупно 295 судии кои го оствариле своето право на глас. Вкупниот број на гласачи бил 354, а бројот на неважечки ливчиња изнесувал 42. Со ова, Ала е избран за член на Судскиот совет од редот на судиите. Во вториот избор за член од апелациското подрачје Штип, се натпреваруваа пет кандидати. Од 40 запишани судии во оваа изборна единица, 39 го оствариле своето право на глас, а само едно ливче било неупотребено. Судијата Данка Ристова од Апелацискиот суд Штип добила најмногу гласови – 27, што ја направило победник во оваа категорија“, рече Јакупи.
По објавувањето на резултатите, секој кандидат има право да поднесе приговор во рок од пет часа. Ако нема приговори, по 12 часа резултатите ќе бидат прогласени за конечни.
ИЗВОР: racin.mk
