Студентот на Електротехничкиот факултет во Белград, Андреј Танко, доби мерка домашен притвор во траење од 30 дена, поради сомнение дека на протестот одржан на 13 август во Панчево прскал полициски службеници со непозната течност.
Додека траеше неговото сослушување, граѓаните на Панчево вчера се собраа пред Основниот суд изразувајќи солидарност и поддршка за Танко.
Андреј Танко беше приведен во вторник, на 19 август.
Министерството за внатрешни работи информира дека Танко се сомничи дека на протестот кој се одржал на Улица Димитрија Туцовиќ во Панчево, ‘со течност со силен мирис прскал полициски службеници кои се наоѓале во кордон’.
Танко стана познат по фотографија и видео од блокада кај неговиот факултет, на која е забележан како останува смирен кога провокатор се обидува да го испровоцира и да предизвика конфликт со студентите.
Извор: 021.rs
Извор: vecer.mk
