Стотици комбајни синхронизирано жнеат на бескрајните полиња на турската „ризница на жито“

ШАНЛИУРФА (АА) – Сезоната на жетва на пченица во бескрајните полиња на Земјоделскиот комбинат „Џејланпинар“ на југоистокот на Република Туркије донесе богат род, а снимките од работата на златните полиња се гордост за вредните земјоделци кој го чекаа тоа цела сезона, јавува Анадолу.

Станува збор за Земјоделскиот комбинат кој работи под Генералната дирекција на земјоделски претпријатија (ТИГЕМ) на Министерството за земјоделство и шумарство на Република Туркије, кој врши земјоделска дејност на ниви со површина од 1.633.000 дунуми.

Тој е најголемиот земјоделски имот во Република Туркије и еден од поголемите во светот, а познат е и како „ризница на житарки“ бидејќи на него се одгледуваат пченица, јачмен, леќа, пченка, ф’стаци, сончоглед, сточен грашок и други земјоделски култури.

Сезоната на жетва на овие полиња започна на почетокот на месецот, од кога на полињата непрекинато работат 229 комбајни, 128 камиони и 1.200 работници.

Жетвата на пченицата се врши прецизно за да се минимизираат загубите на житарки. Целта е во рок од 15 дена да се заврши жетвата на пченицата во претпријатието.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.