Додека Русија ја продолжува офанзивата, уште поважно е да се продолжи поддршката за Украина, вели генералниот секретар на НАТО
Прекинатиот бунт на платеничката група „Вагнер“ во Русија покажува дека Москва направила стратешка грешка со водењето војна против Украина, изјави генералниот секретар на НАТО, Јенс Столтенберг, пренесува Ројтерс.
„Настаните од викендот се внатрешно руско прашање и уште една демонстрација на големата стратешка грешка што ја направи претседателот Владимир Путин со нелегалната анексија на Крим и војната против Украина“,
изјави Столтенберг за време на посетата на литванскиот главен град Вилнус.
Столтенберг вели дека додека Русија ја продолжува офанзивата, уште поважно е да се продолжи поддршката за Украина.
