Стивен Најт, авторот на ТВ-серијата „Пики Блајндерс“ (Peaky Blinders) ќе го пишува сценариото за новиот филм за Џејмс Бонд, соопшти „Амазон МГМ“, новиот сопственик на франшизата.
Филмот, кој ќе го режира фрацуско-канадскиот филмаџија Денис Вилнев од „Дина “, моментално е во фаза НА развој и е под капа на студиото, откако долгогодишните продуценти и Барбара Броколи и Мајкл Вилсон се повлекоа од своите функции во февруари.
„Бонд отсекогаш ми беше на листата на желби и прекрасно е што добив покана, едвај чекам да почнам. Се надевам дека, како долгогодишен обожавател на Бонд, ќе можам да создадам нешто што е исто, но различно, и подобро, посилно и похрабро“, изјави Најт за „Би-Би-Си“.
Од „Амазон“ не навестија кој ќе го замени Даниел Крег во легендарната улога, откако досега се шпекулираше со имињата на Арон Тејлор-Џонсон, Џејмс Нортон и Пол Мескал. На прашаето кој ќе ја игра главната улога, Најт изјавил дека не може да даде одговор на тоа.
Уште не се знае кога ќе излезе новиот филм.
ИЗВОР: sdk.mk
