Со објавата на Стејт департментот споделен е и твит на самиот Џозеф, во кој тој наведува дека претседателот на Србија, Александар Вучиќ, во гостувањето на една од српските телевизии на 30 декември, упатил сериозни, неосновани обвинувања против него
Во демократски општества нема место за валкани методи против граѓаните, како оние што се користат против Едвард Џозеф, објави на Твитер одделот за Европа и Азија на американскиот Стејт департмент, како одговор на навредите на спрскиот претседател Александар Вучиќ искажани кон американскиот предавач на универзитетот Џонс Хопкинс и поранешен заменик-шеф на мисијата на ОБСЕ на Косово.
Заедно со оваа објава e споделена и објава на самиот Џозеф на Твитер, во која тој наведува дека претседателот на Србија, Александар Вучиќ, во гостувањето на една од српските телевизии на 30 декември, упатил сериозни, неосновани обвинувања против него,
Во соопштението на Стејт департментот се додава и дека независните гласови и граѓанските организации промовираат одговорност и транспарентност.
„Ги цениме оние кои градат мирно општество на Западен Балкан“,
велат од Стејт департментот.
Smear tactics against private citizens, like those used against @edwardpjoseph, have no place in democratic societies. Independent voices and civil society organizations promote accountability and transparency. We value those building a peaceful society in the Western Balkans. https://t.co/uJpm7xTZII pic.twitter.com/9D6r2HxfdS
— DoS Europe and Eurasia (@StateEUR) January 9, 2023
Со твитот е споделена и фотографија на Џозеф во друштво на Габриел Ескобар, заменикот-помошник секретар во Бирото за европски и евроазиски прашања на Стејт департментот.
Минатата недела, како гостин на ТВ Прва, Александар Вучиќ го нарече Џозеф „албански бот“ поради она што американскиот професор и дипломат го кажа претходно истиот ден во интервју за регионалниот сервис на Радио Слободна Европа (РСЕ).
Нарекувајќи го Џозеф „гад“, Вучиќ во интервјуто во студиото на српската телевизија изјави дека овој познавач на состојбите на Балканот добива „многу пари од албанското лоби“.
Ваквото тврдење претседателот на Србија не го поткрепи со докази.
Инаку, Џозеф во интервјуто за РСЕ, меѓудругото, Џозеф зборувајќи во контекст на барикадите што групи локални Срби ги користеа за да ги блокираат патиштата на северот на Косово речиси три недели, рече дека Вучиќ „манипулира со САД и ЕУ“.
Тој изјави и дека мирот на Косово, по напуштањето на барикадите, ќе трае „додека Александар Вучиќ не одлучи дека повторно му треба криза на Косово“.
По обвинувањата на Вучиќ, тој преку Твитер одговори дека станува збор за „целосно лажно тврдење“ за наводните финансиски врски меѓу него и „албанското лоби“.
„Вучиќ нема докази за да ги поткрепи неговите сериозни обвинувања бидејќи таква врска нема и никогаш не постоела. Моите ставови се производ на десетгодишна работа на терен – во сите конфликти на Балканот, вклучително и воените години“, напиша Џозеф на Твитер.
For the record, this allegation is completely false. @avucic has no proof to back up his serious charges because such a relationship does not and has never existed. My views are the product of a dozen years on the ground – in all #Balkans conflicts, including the war years. 2/
— Edward P. Joseph (@edwardpjoseph) December 31, 2022
Тој додаде дека Вучиќ со навредите упатени кон него уште еднаш го покажал својот карактер.
„Непристојно“ е љубезен српски збор за лошото однесување на Вучиќ. Дипломатите треба да ја почитуваат функцијата на претседателот на Србија. Нејзиниот носител? Не толку“, посочи Џозеф.
Finally, by defaming me, @avucic revealed his character once again. ‘Nepristojan’ is a polite Serbian word for Vucic’s petulant behavior. Diplomats should respect the office of the Serbian President. The occupant? Not so much. 8/
— Edward P. Joseph (@edwardpjoseph) December 31, 2022
Извор: 360stepeni.mk
