Денеска во посета на општина Гази Баба беа претставници на Светска Банка кои направија увид во состојбата на проектот за изградба на фекално-вакумска мрежа со ПСОВ во н.м. Јурумлери, а која се изгради со кредит од Светска Банка.
– На состанокот ги презентирав сите информации од процесот на реализацијатана проектот. Истакнав дека со кредитот на Светска Банка се реализираше само една фаза од фекално-вакумска мрежа во зона 2 од н.м. Јурумлери и еден модул од ПСОВ за 1500 ЕЖ, информира градоначалникот Бобан Стефковски.
Стефковски напиша дека со буџетски средства на општината се изградиле фекалната вакумска мрежа во зона 3 од н.м Јурумлери, како и вакумската станица. Исто така во изминатиот период се изградиле и околу 450 приклучоци за околу 500 домаќинства во општина Гази Баба.
ИЗВОР: skopjeinfo.mk
