СТАРОВРЕМСКИ ФОТОГРАФИИ

April 30, 2023
1 min read

Еден брак во криза, еден тинејџерски копнеж за блискост и еден генерациски јаз се темите на „Преекспонирано“, деби филмот на Елеонора Венинова по нејзино сценарио, камерна драма која истражува како комуницираме кога говориме и кога молчиме.
Како ретко кој македонски автор, Венинова љубопитно се бави со интимните врски меѓу луѓето без оглед на социјален или географски контекст. Тоа искрено и непретенциозно нурнување во комплексниот свет на меѓучовечката комуникација е најголемата вредност на филмот.

„Преекспонирано“ (насловот е според Ефектот Сабатиер познат и како соларизацијa или преекспонираност, феномен во фотографијата во коj сликата снимена на негатив или на фотографски отпечаток е целосно или делумно обратна во тон – темните делови изгледаат светли односно светлите делови изгледаат темни) е приказна за фотографката Ана (Камка Тоциновски) и психологот Филип (Благој Веселинов), брачен пар чија врска се гуши од неизречените очекувања од себеси и од другиот. На гости во викендицата крај езеро ќе им дојде Маја (Сара Климоска), ќерка на нивни пријатели кои живеат во странство, бунтовна и безгрижна тинејџерка од безмалку 18 години, која ќе ги предизвикува нивните бариери и ќе флертува со обајцата, а всушност и самата е збунета од своите копнежи и потребата да биде разбрана, не контролирана. Токму таа енергија на Маја е всушност дренот низ кој ќе истече чемерот на брачниот живот на Ана и Филип и ќе го соголи до болниот факт дека во него нема љубов.

„Е, во нашата генерација прво имаш секс, па ако ти се свиѓа сексот му правиш муабет“, му вели Маја на Филип во еден муабет за генерациските разлики. Но Сара Климоска оваа реплика ја кажува ем со пркос ем со тага – таа Маја ја игра со извонреден осет за тинејџерските промени во расположението и со трогателно сочувство за збунетоста на девојката која ја освестува својата сексуалност, но и гладот за емотивно длабок контакт со другиот. Како одлична глумица, Климоска го освојува ликот и му создава многу поголем простор отколку што му го напишала авторката, па Маја станува главен протагонист кој е средиште на драмското дејство.

Камка Тоциновски, исто како одлична глумица, гради извонредна динамика со Климоска – нејзината Ана е главна, но воздржана, немирот ѝ тлее и со мајсторски прецизно дозирање полека се разгорува, за да букне со таков трагизам, да му дава емотивен печат на целиот филм.

Вклештен меѓу разиграноста на двете партнерки, Благој Веселинов не се снаоѓа баш најдобро и не успева да го продлабочи ликот на Филип и да го направи покомплексен туку само еднозначно загребува по површината, па е некако досаден и блед.

Венинова има одлична тема за дебито, но впечаток е дека прави и почетничка грешка – нема доволно приказна и марифет за долга форма. Затоа и филмот е во голема мера рамен, со згрчено дејство без значајни драмски пресврти и некако издишан крај. Се чини дека поради тоа и музиката на британската композиторка Линдзи Рајт не легнува најдобро – таа не ја рефлектира емоцијата туку ја изнасилува, како да треба да го пополни емотивно празниот простор.

Марина КОСТОВА

ИЗВОР: sdk.mk

VERO JUMBO MACEDONIA

EVN MACEDONIA

MARKETING

Претходно

Најавена средба на шефовите на дипломатиите на Јордан, Саудиска Арабија, Египет и режимот на Асад од Сирија

Следно

Путин го смени и генерал Мизинцев – заменикот-министер за одбрана, задолжен за логистика на руската армија 

Latest from Blog

Марсиал ќе игра во Мексико за Монтереј

Францускиот интернационалец, Ентони Марсиал, се сели во Мексико. Поточно во тимот на Монтереј, кој што одлучи да го откупи искусниот напаѓач, од тимот на АЕК Атина каде што досега настапуваше. Марсиал во

Фон дер Лајен најави воведување на возрасна граница за користење социјални мрежи

Претседателката на Европската комисија, Урсула фон дер Лајен, најави воведување на возрасна граница за користење на социјалните мрежи. До крајот на годината, тие ќе формираат експертска група која ќе го разгледа најдоброто

Филип Поповски е носител на советничката листа на ВМРО-ДПМНЕ во Битола

Битола – Универзитетскиот професор д-р Филип Поповски ќе биде носител на советничката листа на ВМРО-ДПМНЕ за претстојните локални избори во општина Битола. Поповски е вонреден и редовен професор на Техничкиот факултет при

ВМРО-ДПМНЕ: Месечната стапка на инфлација во август, споредено со јули, се намали од 4,9 на 4,4 проценти

Да се грижеше Венко Филипче за животот на граѓаните и инфлацијата, која во време на СДС беше двоцифрена и го јадеше стандардот на граѓаните, немаше над пола милион да остават на раб

Меџити го најави почетокот на големата трансформација на улицата „Ферид Мурат“ во Чаир

Кандидатот за градоначалник на Општина Чаир, Изет Меџити, денеска го презентираше еден од најголемите инфраструктурни проекти во општината – целосна реконструкција и трансформација на улицата „Ферид Мурат“. Проектот, кој опфаќа делница долга
Go toTop