Српската полиција ги уапсила и дедото и вујкото на напаѓачот од Младеновац

May 5, 2023
1 min read

Полицијата ги привела бидејќи, како што јавува Нова ТВ, се сомнева дека осомничениот 21-годишник по злосторството се криел во нивниот дом. Телевизијата претходно објави неофицијални информации, според кои, откако осомничениот го извршил злосторството побарал засолниште во куќата на своите роднини во селото Вињиште

Медиумите јавуваат дека полицијата извршила претрес во куќата во која наводно се криел 21-годишникот, а таму било пронајдено поголемо количество нелегално оружје и муниција, за кои момчето немало дозвола за користење

Српската полиција ги приведе вујкото и дедото на уапсениот У. Б. кој е осомничен за синоќешното масовно убиство кај Младеновац во кое загинаа осум лица, а 14 се повредени, јави српската Нова ТВ.

Полицијата ги привела бидејќи, како што јавува медиумот, се сомнева оти осомничениот 21-годишник по злосторството се криел во нивниот дом. Телевизијата претходно објави неофицијални информации, според кои, откако осомничениот го извршил злосторството побарал засолниште во куќата на своите роднини во селото Вињиште.

Жители на селото Дубона кај Младеновац утро по масовното убиство / Фото: EPA-EFE/ANDREJ CUKIC

Ова село е лоцирано веднаш до селото Грошница – место каде што српската полиција информира дека утринава го уапсила момчето. До Вињиште, пак, според непотврдени информации што ги објавија српските медиуми, осомничениот стигнал со такси, заканувајќи му се на таксистот.

Медиумите јавуваат дека полицијата извршила претрес во куќата во која наводно се криел 21-годишникот, а таму било пронајдено поголемо количество нелегално оружје и муниција. РТС јавува дека во куќата биле пронајдени четири бомби, калашников и поголема количина муниција. Момчето немало дозвола за користење на оружјето.

Осомничениот е уапсен утринава во населбата Грошница во околината на Крагуевац откако од синоќа по него трагаа околу 600 припадници на специјалните единици на српската полиција.

Дваесет и едногодишниот У.Б. најпрвин почнал да пука во селото Дубона во Младеновац, а потоа продолжил со крвавиот пир во Мало Орашје и селото Шепшин.    

Во Дубона тој убил млад полицаец и неговата сестра, пукајќи по случаен избор во училишниот двор, каде што ранил уште неколку лица. Според мештаните, напаѓачот бил познат како проблематичен, кој бил од соседното село Долна Дубона. Најмладиот убиен во пукањето е роден 2008 година, односно е на возраст од 15 години.

Четиринаесетмина повредени се згрижени во болниците, а полицијата работи на расветлување на сите факти и околности за масовното убиство.

Извор: 360stepeni.mk

MARKETING

MARKETING

Претходно

Челникот на руската паравоена група Вагнер се заканува со повлекување од Бахмут поради недостиг на муниција

Следно

РЕЖИСЕРОТ ДЕМИЕН ШАЗЕЛ НА ЧЕЛО НА ЖИРИТО ЗА ЗЛАТЕН ЛАВ ВО ВЕНЕЦИЈА

Latest from Blog

Гаши: Локалните избори ќе бидат распишани кон крајот на јули или почетокот на август

На денешниот брифинг со новинарите претседателот на Собранието, Африм Гаши најави дека локалните избори ќе бидат распишани кон крајот на јули или почетокот на август. Тој додаде дека е побарана јавна расправа

Битола го одбележува Меѓународниот ден на џезот

Младинскиот културен центар – Битола (официјален младински клуб на УНЕСКО) за одбележување на Меѓународниот ден на џезот ќе организира концерт во живо на Филип Динев Трио во среда на 30 април 2025 година со почеток во 22.00

Таравари: Не може друг да кажува кој треба да биде во Владата освен премиерот

Не може друг да кажува кој треба да биде во Владата освен премиерот, изјави денеска министерот за здравство и лидер на Алијанса за Албанците во коалицијата Влен во Владата Арбен Таравари. Изјавите

Павел: Трамп се залага за мир по секоја цена без оглед на последиците за Европа

Чешкиот претседател Петр Павел го осуди денеска тоа што, како што рече, САД вршат многу поголем притисок врз Украина отколку врз Русија и оцени дека американскиот претседател Доналд Трамп се обидува да

Најмногу дожд во Крушево, времето денеска нестабилно, наместа со поројни врнежи и грмежи

Најмногу дожд во изминатите 24 часа наврнал во Крушево, 26 литри на квадратен метар. Според мерењата на УХМР за наврнат воден талог  во изминатото деноноќие, до 8 часот се измерени 13 литри
Go toTop