– Министерот за внатрешни работи Панче Тошковски остварил работна средба со амбасадорот на Канцеларијата на амбасадата на Литванија во Скопје, Вилма Дамбраускиене, на која биле потврдени добрите досегашни односи меѓу двете земји и посветеноста за натамошно унапредување на соработката на повеќе нивоа.
МВР денеска соопшти дека посебно била разгледана взаемната иницијатива на двете земји за потпишување на договор за полициска соработка чии носители ќе бидат двете министерства за внатрешни работи со кој се очекува зголемување на соработката на оперативно ниво, размената на информации, едукацијата на полициски службеници, како и соработката во борбата против сите видови организиран криминал меѓу двете министерства.
– Со тоа дополнително ќе се овозможи подобра соработка и доближување на стандардите на Европската Унија во областа на безбедноста и меѓународната заштита, се наведува во соопштението од МВР.
Извор: 24vesti.mk
