Советот за национална безбедност: Туркије стои покрај либанскиот народ против нечовечните напади на Израел

ИСТАНБУЛ (АА) – Туркије денес истакна дека ќе застане покрај Либан и неговиот народ како одговор на израелските нечовечни напади во кои за помалку од две недели се убиени над 1.100 луѓе, а десетици илјади се раселени, јавува Анадолу.

„Забраната на Израел за влез на генералниот секретар на Обединетите нации во земјата, прогласувајќи го за ‘персона нон грата’, е осудена како најнов пример за непочитување на законот од страна на Израел“, се вели во соопштението на Советот за национална безбедност на Туркије по состанокот во Анкара.

„Нагласено е дека покрај решителните напори на Туркије да го запре геноцидот со кој се соочува палестинскиот народ веќе една година пред очите на светот, и да постигне траен прекин на огнот и мир во Палестина без одложување, исто така, постои потреба за зголемување и одржување на меѓународните напори.“

„Упатен е повик до сите одговорни актери, особено до Советот за безбедност на Обединетите нации, да се преземат итни акции за спречување на нападите на Израел, чија цел е проширување на конфликтот надвор од палестинските територии на Блискиот Исток“, се додава.

Владиното тело истакна дека активностите за неутрализирање на терористичките организации во Сирија ќе продолжат непречено и нема да се толерираат никакви планови што можат да и наштетат на националната безбедност.

Ќе се интензивираат напорите за решавање на конфликтот во земјата во согласност со интересите и очекувањата на регионот и на сирискиот народ, соопшти Советот за национална безбедност.

„Потврдена е нашата одлучност за унапредување на соработката со нашиот сосед Ирак во борбата против терористичките организации кои претставуваат заедничка закана за нашите земји, особено за ПКК/КЏК-ПЈД/ЈПГ“, се наведува во соопштението.

„Понатаму, значењето што го даваме на безбедноста, мирот и просперитетот на братскиот ирачки народ уште еднаш е нагласено.“

Советот соопшти дека нема да се дозволи искористување на искрениот пристап и напорите на Туркије за развој на рамките за соработка кон воспоставување трајна стабилност и мир во Медитеранот и Егејот.

Истакнато е дека постапувањето со разум и мудрост е најдобриот начин на дејствување.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.