Сопартијци го повикуваат Вучиќ да не се повлекува: За вас не постои замена

January 23, 2023
2 mins read

Страшна загуба е неговото заминување од позицијата шефот на СНС! За него не постои замена, ниту сега, ниту за илјада години. Ретко во историјата има таков државник, кој смирил буре барут и го претворил во раскрсница за која цел свет се интересира, напиша пратеничката на СНС Сандра Божиќ на Инстаграм

Пратеничката на СНС, Сандра Божиќ, преку својот профил на Инстаграм, го повика претседателот на Србија Александар Вучиќ да не поднесува оставка бидејќи, како што напиша, тој бил единствениот способен да ја води и да ја зачува Србија. Ваквиот повик на Божиќ доаѓа по синоќешната вест дека Вучиќ им рекол на сопартијците дека ќе се повлече од позицијата претседател откако претходно на средба со најблиските соработници во седиштето на партијата имало несогласувања и повици да се отфрлат преговорите со САД и ЕУ.

„Нему му должиме напредок, нему му должиме мир! Поради него денес Србија е почитувана и земја со интегритет со која веќе никој не може да се плетка! Страшна загуба е неговото заминување од позицијата шефот на СНС! За него не постои замена, ниту сега, ниту за илјада години. Ретко во историјата има таков државник, кој смирил буре барут и го претворил во раскрсница за која цел свет се интересира! Неговото заминување го сметам и за мој личен пораз затоа што искрено ја губам мотивацијата да продолжам да учествувам во политиката! Затоа што знам што е следно! Мојот политички пат го одредува неговото постоење и неговите постапки“,

напиша Божиќ на Инстаграм.

Таа додаде дека без Вучиќ буре барутот повторно ќе се запали.

„Претседателе Вучиќ, на Србија ѝ требаш! На нашите деца и генерации што доаѓаат им требате! На иднината ѝ требаш, која никогаш нема да биде иста без тебе на чело! Простете ми за моите емоции, но ова се најтешките редови што сум ги напишала!“,

напиша Божиќ.

Како што јави ТВ Пинк вчера, Вучиќ на средбата со најблските партиски соработници, меѓу другото, им порачал дека „доколку народот ги отфрли преговорите и ако некој мисли дека треба економски да ја уништиме државата, раководството ќе го препушти на попаметните од него“.

Вучиќ денеска ќе присуствува на седница на Владата на Србија. Според најавите, тој вечерва треба да им се обрати на граѓаните на Србија по разговорите во петокот со претставниците на ЕУ и на САД и изјавата дека Србија е подготвена да го прифати концептот на европскиот план за нормализирање на односите со Косово.

Во петокот, по средбата со претставниците на САД и ЕУ, Вучиќ рече дека Србија е подготвена да го прифати концептот на европскиот план и да работи на имплементација на предложениот договор за дијалогот за нормализација на односите со Косово, што беше потврдено и од претставникот на ЕУ, Мирослав Лајчак.

Словачкиот дипломат и специјален претставник на ЕУ за дијалогот меѓу Белград и Приштина, Лајчак, оцени дека Вучиќ покажал одговорен пристап и подготвеност да носи тешки одлуки во интерес на мирот и европската перспектива на Србија.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Белингем го одби новиот договор од Борусија Дортмунд

Следно

Бразил и Аргентина размислуваат за воведување заедничка валута

Latest from Blog

Сарамандов: Гевгелија ќе продолжи да се развива како успешна, модерна и урбана заедница

Градоначалникот на Гевгелија, Андон Сарамандов на настанот за промоција на својата кандидатура за втор мандат за градоначалник на општина Гевгелија истакна дека се работи посветено за општината да се развива како урбана

Националниот тим подготвен за победа над Лихтенштајн

Македонската фудбалска репрезентација утре од 18 часот на Националната арена „Тодор Проески“ во Скопје ќе го пречека Лихтенштајн во рамки на квалификациите за Светското првенство. По реми натпреварите со Велс и Белгија,

Откриена причината за трагичната несреќа на жичницата во Лисабон

Првите официјални наоди за страшната несреќа во Лисабон откриваат дека трагедијата на познатата жичница „Глорија“ се случила откако се скинал кабел што поврзувал две кабини, а во тој момент вработен се обидел

Голем пожар во фабриката „Макпрогрес“ во Виница, позната по брендот „Винчини“, побарана помош од соседните општини

Пожар избил попладнево во фабриката „Макпрогрес“ во Виница, посебно позната по производите од брендот „Винчини“. Пожарот го зафатил магацинот и неколку производни погони, информираат од Центарот за управување со кризи. -Денес, во
Go toTop