ГАЗА (АА) – Израелските напади врз Појасот Газа траат повеќе од пет месеци. Од Газа секојдневно пристигнуваат фотографии и видеа од убиени и ранети деца, јавува Анадолу.
Во еден од израелските напади рането е и детето Мусаб ал-Хамс. Израелските сили бомбардираа куќа во подрачјето на Шејх Ридван во градот Газа. Во неа засолниште нашло семејството Ал-Хамс.
Во нападот на Мусаб му се убиени петте браќа и сестри. Ранети се уште тројца, заедно со мајката. Ова мало момче се здоби со тешки повреди. На видеото се гледаат повредите на главата, лицето, рацете и стапалата. Но, за среќа, тој преживеа.
Израелските напади врз блокираниот Појас Газа продолжуваат со ненамалено темпо.
Израел, обвинет за геноцид, започна смртоносна воена офанзива врз Појасот Газа, по прекуграничниот напад на Хамас на 7 октомври, во која загинаа речиси 32.000 Палестинци.
Поради израелската војна, која трае 167 дена, според податоците на Обединетите нации, 85 отсто од населението на Појасот Газа се внатрешно раселени и соочени со акутен недостиг на храна, чиста вода и лекови, а 60 отсто од инфраструктурата на енклавата се оштетени или уништени.
По тужбата за геноцид поднесена од Јужноафриканската Република, Меѓународниот суд на правдата на 26 јануари пресуди дека Израел мора да се воздржи од какви било дејства поврзани со убивање, напади и уништување на жителите на Појасот Газа и да ги преземе сите мерки за да спречи геноцид.
Извор: Anadolu Agency (AA)
