СКОПЈЕ (АА) – Би-Би-Си објави предупредување на екранот кога раперот Боб Вилан ги предводеше скандирањата „Слободна Палестина“ и „Смрт за ИДФ“ на фестивалот Гластонбери што се одржува во Сомерсет, Велика Британија, известува Анадолу.
Раперот Боб Вилан за време на изведбата на своите песни на фестивалот Гластонбери што Би-би-си го пренесуваше во живо, го започна скандирањето „Слободна Палестина“ и „Смрт за ИДФ (израелската армија)“ на кое му се приклучи и публиката.
Би-Би-Си издаде предупредување на екранот за време на пренос во живо додека раперот Вилан го изведување скандирањето.
Британската полиција соопшти дека ги испитува видеата од инцидентот.
Израелската амбасада во Велика Британија објави дека се „длабоко вознемирени од провокативната реторика и говорот на омраза.“
– Фестивалот Гластонбери
Фестивалот Гластонбери е петдневен настан што се одржува во Пилтон, Сомерсет, Велика Британија. Се одржува речиси секоја година кон крајот на јуни и почетокот на јули. Покрај современа музика, фестивалот нуди и програми што вклучуваат танци, театар, циркус, кабаре и други уметнички настани.
Гластонбери е најголемиот фестивал на трева во светот и моментално може да прими околу 200.000 луѓе. Средствата собрани на фестивалот се користат за добротворни цели.
Извор: Anadolu Agency (AA)
