Скопјанец украл делови од железничка инфраструктура од Трубарево

Полициски службеници од СВР Скопје, вчера на влезот во село Студеничани, скопско го лишиле од слобода А.Н. од скопското село Трубарево.

Како што информираат од МВР, А.Н. бил сопрен додека со трактор со приколка превезувал поголема количина железо, односно делови од возови и железничка инфраструктура.

Во службен разговор во Полициската станица Драчево А.Н. го признал кривичното дело со појаснување дека предметите ги одземал од железничките пруги во селоТрубарево. По документирање на случајот ќе следува соодветен поднесок.