ИДФ соопшти дека идентификувала повеќе од 100 беспилотни летала кои се упатуваат кон Израел. Се слушаат и повеќе детонации во воздухот, но не и на земјата.
Како што претходно пренесе Тајмс оф Израел, дел од дроновите биле соборени од САД и Велика Британија.
Иако Бајден вчера го предупреди Иран да не се одмаздува тоа не го спречи Итран да ги лансира дроновите.
– Ние сме посветени на одбраната на Израел и ќе го поддржиме. Ќе помогнеме во одбраната на Израел и Иран нема да успее, рече вчера Бајден.
Се уште не се знае дали ова е само еден напад или ќе уследат серија на напади. Според Си Ен Ен, се слушнале неколку експлозии во воздухот на неколку километри од Ерусалим.
„Продолжуваме да гледаме повеќекратни пресретнувања на небото од повеќе различни правци. Тешко е да се каже што е проектил кој доаѓа, а што пресретнува. Слушам повеќекратни, повеќекратни детонации, повторно звучи како пресретнување. Не слушам звук на удари во земја, само свтлина на небото за кои мислам дека се пресретнувањата на дроновите. Се слушаат и звуци од авиони пресретнувачи кои најверојатно се од израелската армија. Знаеме дека авионите на САД и Велика Британика се активно вклучени во пресретнувањето на дроновите.“ – изјави Ник Робертсон од Си-Ен-Ен.
Извор: 24vesti.mk
